عناقيد

حبيبتـي دام المشـاعـر عناقـيـد أنا أستويـت لحضرتـك وأقطفينـي مهمل على جال العنا والعنا .. قيـد وأنتي عنبّـك كـان منّـي وفينـي من يوم ودّعت الفـرح والزغاريـد ضاعـت ملامـح بسمـةٍ تحتفينـي شرّعـت شبّـاك الأرق والتساهيـد وخايـف يجيلـك يـوم ماتعرفينـي ذبلت و وعودك من العـام شتفيـد مثـل الليالـي دايــم تخالفيـنـي أطرد سراب الوصل في مهمه البيـد عيـدي بقايـا وصلنـا جغرفيـنـي أنتي يا أم الطيش يـا تلعـة الجيـد كـل ماطلبتـك حاجـةٍ تكسفيـنـي تعالـي بصـدري قصيـد وتناهيـد والنـاي مثلـي ينتظـر تعزفيـنـي لك طلّةٍ في خافقـي تشبـه العيـد لـو أنّ حـزن البارحـه مكتفينـي تعبـت أمنّـي بسمتـي بالمواعيـد وملّت شفاهـي تنتظـر سولفينـي ياطفلـةٍ ماكنّهـا تشـبـه الغـيـد تشبـه ملامحهـا شقـاي الدفينـي همساتهـا شويّـة بلابـل وتغريـد كـلٍ تقـول أرجـوك لاتكشفيـنـي وضحكاتها مدري ويمكـن أناشيـد علـى حديـث أطفـال متوالفيـنـي سولفتهـا للشعـر رغبـه وتنديـد ياسالفـة جـرح الزمـان أنزفينـي ورسمتهـا ورده بوجـه التجاعيـد لو قلت من وجه الحيـاة أنسفينـي تموتبـي وأحيابـهـا دون تحـديـد من قبل تضمانـي أقـول أغرفينـي بغيابهـا أشواقـي تزيـد وتـزيـد وكم قلت أمانـه حاولـي تنصفينـي دامك مطر عمري ونبض المواعيـد مرّه من أيديـن الجفـاف أخطفينـي ودام المشاعر كـل أبوهـا عناقيـد أنا أستويت لحضرتك وأقطفيني ....!!