ماني على الفراق حزين!

يا فكري المطوي على صفحة نهاية عاشقين اسأل جروحي لي متى حال الليالي ما تهون! ما يجبر العاشق يلين إلا وله شوق الحنين! وانا وله شوقي يجدد حاله الحب الحنون اصمت وانا ضيم السكوت يزورني في كل حين اصرخ واحس ان الصدى ! حتى الصدى صوته سكون بديت احب !! يعني بحب !! يعني بدايه منتهين! ياضيعتي لا صرت مابين المفارق والشجون! احلامي الغبرا تلاشت واصبحت عبر السنين ضحيه افكار التسامي لا وصل حد الجنون! خنت الامانه! ايه نعم! منهو بهالدنيا امين! مابيد عقلي حيلةٍ لا هبت رياح الظنون احب .. واكره .. وانكره! وانحب وابقى مستعين في حكمه القادر على خلق النفوس بكل لون خذلتك ادري !! واعترف ماني على الفرقا حزين! لن الزمن يجبرني احيانا اكون أو لا اكون ابتعذر واترك بقايا نحنحة عشقي تبين تبقى طواري حبنا بيضا ولو فيها طعون ابعتذر .. وارحل واهاجر !! بس ما أدري لـوين! «الخوف» يزرع بذرته في كل خطواتي بهون وابنتشل جثه وفاي ودمعه السر الدفين! الحزن! مو لازم تشوفه عبرةٍ تحت الجفون تدري وش اللي يجبر الوافي على الفعل المشين! انه يشوف المجتمع حوله يخون .. ولا يصون! خالد خزيم السهلي