أعز أصدقائي

أذبحتني طعنةً جت من أعز أصدقاي
بالخطا لاكنها قصت الضلع القصير
ادري انه ماتعمد ولا يقصد اذاي
لاكن المقسوم ماعنه يابن ادم مطير
وادري انه لو تدرى عن غلاك وعن غلاي
كان ماخلاني امشي مثل مشي الضرير
باح مكنوني من اسبابه وبيح خفاي
انجبرت اعزي النفس في الحب الكبير
حبي اللي ثابتً في خفوقي من صباي
يوم محبوبي صغير وانا توي صغير
احسن الله فيك ياغاية منايه عزاي
وعظم الله اجر قلبً من الفرقا خطير
سامح الله من تسبب على قطعت رجاي
فيك يأغلى من تمنيت يجمعنا مصير
ياسبب سهر الليالي وياسبت عناي
والله انك غاليً لويصير اللي يصير
منت ذكرىً عابره جت وراحت في سماي
انت واقع وانت الاول بقلبي والاخير
والخطا ماهوب منك ولا اعتبره خطاي
الخطا في الشعره اللي حنت ظهر البعير

مطلق شبيب ابو ثنين